Барнли изненадувачки го назначи Крег Белами за менаџер на тимот. Сепак, 44-годишниот Велшанец ќе ја извршува функцијата само привремено додека не се најде најсоодветен постојан наследник за Винсен Компани, кој го напушти клубот за да го преземе Баерн Минхен.
Белами, кој е поранешен играч на Ливерпул, Манчестер Сити и на Њукасл, беше помошник на Компани во Андерлехт пред да се приклучи на штабот на Белгиецот во Барнли. Негов помошник сега ќе биде Мајк Џексон, кој привремено го водеше тимот по заминувањето на Шон Дајш во сезоната 2021/22.
Франк Лампард, Скот Паркер, Стив Купер и Руд ван Нистелрој се поврзуваа со Барнли во последните два дена.
