Давид Алаба од јули ќе биде нов фудбалер на Реал Мадрид, договорот е веќе склучен, а ќе има важност на почетокот на новата сезона. Но, Баерн Минхен нема да остане без адекватна замена, а ја пронајде токму на „Сантијаго Бернабеу“.
Раководството на баварскиот клуб ќе се обиде да го ангажира Едер Милитао, дефанзивецот на Реал Мадрид кој не е задоволен од минутажата во тимот на „кралевите“.
Спортскиот директор Хасан Салихамиџиќ наводно веќе ги договорил личните услови со фудбалерот, се очекува тој по завршувањето на сезоната да се пресели на „Алијанц арена“ во Минхен.
