Дани Олмо е голема желба на Барселона. Каталонскиот гигант сака да го врати на „Камп Ноу“ десет години откако ја напушти академијата „Ла Масија“ за да замине во Динамо Загреб. Сепак, уште еден голем клуб се впушти во трката за него. Тоа е Баерн Минхен.
„Баерн го додаде Дани Олмо на списокот на играчи кои сакаат да ги купат ова лето. Спортскиот директор Макс Еберл добро го познава Олмо од минатата сезона, кога ја имаше истата позиција во Лајпциг. Баерн сериозно влезе во трка со Барселона и со два клуба од Премиер – лигата за шпанскиот репрезентативец. Откупната клаузула на Дани Олмо ова лето изнесува 60 милиони евра“, информира „Билд“,
Покрај Барселона и Баерн, „Марка“ открива дека Ливерпул и Манчестер Јунајтед се двата споменати англиски клуба. Тие имаат време само до 15 јули да го купат Олмо по повластена цена, ако ја активираат клаузулата вредна 60 милиони евра. Потоа, се разбира, за обештетувањето ќе одлучува Лајпциг.
