Баерн Минхен има нов тренер, Винсен Компани ги презеде конците во свои раце и сега тргнува во реконструкција на тимот. Една од приоритетните позиции кои мора да се пополнат е последен играч за врска, а Компани гледа кон Премиер – лигата.
Главната опција на Баварците за дефанзивен играч од средниот ред е Амаду Онана од Евертон. Белгиецот речиси сигурно ќе биде продаден на лето, а за него е заинтересирана и Барселона. Неговата цена е околу 50 милиони евра.
Во исто време, на „Алијанц Арена“ го оладија нивниот интерес за Мартин Зубименди од Реал Сосиедад.
