Раководството на Баерн Минхен го планира составот за новата сезона. На „Алијанц Арена“ сакаат да го засилат својот тим во одбраната, а бараат и дефанзивен играч за врска. Томас Тухел нема да ги предводи Баварците од летото, но веќе го предаде списокот со играчи кои ги посакува.
Еден од нив е капитенот на ПСЖ, Маркињос. 29-годишниот фудбалер може да игра подеднакво добро и во центарот на одбраната, но и како последен играч за врска. Тој неодамна потпиша договор со францускиот шампион до летото 2028 година.
Се верува дека Баерн Минхен ќе направи обид да го купи и покрај тоа што Тухел го напушти клубот, пишува „UOL Esporte“.
Баварците за правата на Маркињос ќе треба да платат најмалку 60 милиони евра.
