Баерн Минхен понуди 120 милиони евра за Хари Кејн

Баерн Минхен испрати нова понуда до Тотенхем за напаѓачот Хари Кејн, објави „Скај Спортс“. Баварците сега им нудат на Англичаните сума од 120 милиони евра.

Баерн Минхен е подготвен да го реализира трансферот најдоцна до утре.

Кејн му одреди рок на раководството на германскиот првак сѐ да заврши до петок.

Во сезоната 2022/23, тој забележа 49 настапи за Тотенхем, постигнувајќи 32 гола и пет асистенции. Договорот на напаѓачот со клубот истекува следното лето.