Полскиот напаѓач Роберт Левандовски е на излезна врата на Баерн Минхен, но германскиот клуб нема наивно да дозволи да остане без квалитетно засилување за следната сезона. Баерн се уште не му понудил нов договор на Левандовски, но директорот на клубот Оливер Кан изјави дека нема да има проблеми со неговиот престој во клубот.
Иако клупските челници тврдат дека ќе се договорат со Левандовски да остане, германските медиуми не се многу убедени во тоа. Најавуваат дека Баерн најде замена за полскиот напаѓач.
Спортскиот директор Хасан Салихамиџиќ бил на натпреварот меѓу Ајакс и Бенфика минатиот месец и дека го скаутирал напаѓачот на Бенфика, Дарвин Нуњез. На Салихамиџиќ наводно му се допаднала играта на уругвајскиот напаѓач.
Нуњез оваа сезона постигна 32 гола на 37 натпревари и на Бенфика ќе и биде многу тешко да го задржи по ова лето. Неговата откупна клаузула е 150 милиони евра, а за него покрај Баерн Минхен е заинтересиран и Манчестер Јунајтед.
