Баерн Минхен го договори потписот на играчот од средниот ред на Лајпциг, Конрад Лајмер, тврди „Кикер“. 25-годишниот играч за врска на лето ќе дојде на „Алијанц арена“ како слободен играч. Се очекува трансферот официјално да биде објавен овој месец.
Лајмер ќе потпише на пет години со Баерн Минхен.
Баварците од минатото лето преговараа со играчот за врска, но тогаш Лајпциг ја одби нивната понуда вредна 20 милиони евра.
Тренерот Џулијан Нагелсман сакаше да го има играчот од средниот ред во неговиот тим откако двајцата работеа заедно во Лајпциг.
