Баер Леверкузен спаси бод против Баерн на „Алијанц арена“ (ВИДЕО)

Баерн Минхен и Баер Леверкузен ремизираа 2-2 во дерби дуелот на „Алијанц арена“ и останаа непоразени и по четири меча во Бундес-лигата. Гостите се спасија од пораз во 93.минута, кога Езекиел Паласио погоди од пенал за израмнување, 2-2.

Претходно, Баерн Минхен беше блиску до победа со голот на Леон Горецка во 86.минута.

Хари Кејн донесе предност за Баерн во седмата минута, а израмни Грималдо од слободен удар во 24.минута од дуелот.