Актуелниот германски шампион Баер Леверкузен оствари голема победа (2-3) на гости против Борусија Дортмунд и на одличен начин ја започна 2025 година. Сега тимот на Чаби Алонсо е само на бод негатива од лидерот Баерн Минхен, кој утре гостува кај Борусија Менхенгладбах.
Тела уште на стартот од мечот ги доведе гостите во водство, а Патрик Шик во осмата зголеми на 0-2. Гитенс погоди за „милионерите“ во 12.минута, но повторно Шик ја врати предноста од два гола во 19.минута.
Борусија Дортмунд намали од пенал преку Серху Гираси во 79.минута, но бодовите ги освои Баер Леверкузен.
