Баер Леверкузен и понатаму е на врвот на табелата во Бундес-лигата откако го победи Дармштат на гости со 0-2. Стрелец на двата гола за „фармацевтите“ беше Натан Тела, во 33. и во 52.минута од натпреварот.
Баерн Минхен го следи лидерот во чекор, иако заостанува два бода. Баварскиот тим славеше со 3-1 против Борусија Менхенгладбах. Гостите поведоа со голот на Елведи во 35.минута, но израмни Павловиќ пред полувремето. Во вториот дел, Хари Кејн и Матијс де Лихт донесоа триумф за Баерн.
Вердер славеше на гости против Мајнц со 0-1, со голот на Дукш во втората минута, а Бохум и Аугсбург ремизираа 1-1.
