Белгискиот интернационалец Еден Азар нема да замине од Реал Мадрид ова лето. Иако има најави дека би можел да се врати во Челси, каде играше седум сезони, сепак, напаѓачот има намера да остане на „Сантијаго Бернабеу“ и да ја докаже својата класа.
Од доаѓањето во Реал, на Еден Азар му се случија неколку повреди, тој не покажа ниту дел од своето фудбалско знаење, но решен е во новата сезона да ја врати својата стара препознатлива форма.
Медиумите на Островот најавија дека Еден Азар би можел да се врати во Челси за 60 милиони евра, но нема ништо од планот на Томас Тухел.
