Белгискиот интернационалец Еден Азар повторно мора на принудна пауза поради повреда. Тој го повреди мускулот на десната нога, а денешните детални лекарски прегледи покажаа дека ќе мора да паузира околу две седмици.
Азар го почна мечот со Алавес, но мораше да ја напушти играта во 28.минута. Проблемите за Белгиецот оваа сезона продолжуваат. Тој во саботата го имаше само третиот настап во Ла Лига. Претходно паузираше поради повреда, а беше и позитивен на коронавирусот.
