Атлетико Мадрид успеа да остане непоразен на големото градско дерби против Реал играјќи 1-1. Тимот на Диего Симеоне се спаси од пораз во последните мигови од судиското продолжение, кога Маркос Љоренте, екс-играчот на Реал, со удар со глава успеа да ја затресе мрежата на „кралевите“.
Реал Мадрид имаше водство од 20.минута, кога Брахим Дијаз постигна гол. Тој доби шанса како стартер откако Винисиус Жуниор отпадна во последен момент, жалејќи се на повреда при загревањето.
Реал е лидер на табелата во Ла Лига со 58 бода, два повеќе од Џирона и осум позитива во однос на Барселона.
