Шпанскиот прволигаш Атлетико Мадрид покажува сериозен интерес за играчот од средниот ред на Фулам, Андреас Переира. Мадриѓаните се обидоа да го доведат фудбалерот за врска уште во јануари, но тогаш Англичаните беа категорични дека не сакаат да се разделат со својата ѕвезда.
Сепак, тоа може да се случи ова лето. Според медиумите на Островот, Переира е отворен за промена на клубот, но приоритет ќе му биде да остане во Премиер – лигата.
За него интерес има уште од неколку англиски клубови, а покрај Атлетико Мадрид, ситуацијата околу Бразилецот ја следат и два клуба од Италија.
Переира на лето ќе влезе во последните две години од договорот со Фулам.
