Атлетико Мадрид ја забележа својата петта победа во Ла Лига оваа сезона, и тоа со пресврт против Леганес. Иако фудбалерите на Диего Симеоне се соочија со голем предизвик, на крајот успеаја да ги освојат трите бода, триумфирајќи со 3-1.
Иван Неју ги доведе гостите во водство во 34. минута на натпреварот. Сепак, Атлетико Мадрид реагираше соодветно во второто полувреме.
Александер Сорлот го израмни резултатот во 69. минута, а Антоан Гризман го обезбеди победничкиот гол во 81. минута.
Сорлот постигна и втор гол, за конечни 3-1, во деветтата минута од судиското продолжение.
