Шпанскиот првак Атлетико Мадрид сака да го купи српскиот напаѓач Душан Влаховиќ. Тој лани имаше одлична сезона во дресот на Фиорентина, постигна 21 гол во Серија А и го сврте кон себе вниманието на големите европски клубови.
Фиорентина се обидува да го задржи Влаховиќ, но раководството најави дека сериозно ќе ја разгледа секоја понуда што ќе пристигне за нивниот најдобар фудбалер.
Диего Симеоне смета дека Душан Влаховиќ крај Луис Суарез би можел да прерасне во еден од најдобрите европски напаѓачи и сака да го доведе на „Ванда Метрополитано“. За него исто така е заинтересиран и англискиот премиерлигаш Тотенхем.
