Астон Вила постигна целосен договор со играчот од средниот ред на Лестер, Јури Тилеманс. Белгиецот откако ќе ги мине медицинските прегледи ќе потпише четиригодишен договор и ќе биде претставен како прво засилување на клубот ова лето.
Тој ќе пристигне на „Вила Парк“ како слободен агент откако ќе му истече договорот со Лестер на крајот на овој месец.
Интересот за 26-годишниот Тилеманс беше сериозен, тој имаше понуди од клубови кои ќе играат во Лигата на шампионите, пред сѐ Арсенал. Сепак, Белгиецот ја одбра понудата на Астон Вила, која заврши на седмото место и следната сезона ќе учествува во Конференциската лига на УЕФА.
