Арсенал го победи Барнли на „Емирати“ со 3-1 и се израмни на врвот на табелата со Манчестер Сити кој утре му гостува на Челси. Леандро Тросар во последните мигови од првото полувреме донесе водство за Арсенал, а Барнли израмни преку Џош Браунхил во 54.минута.
Салиба ја врати предноста на „топчиите“ во 57.минута, а Зинченко погоди за 3-1 во 74.минута.
Манчестер Јунајтед го победи Лутон со 1-0 на „Олд Трафорд“. Стрелец на победничкиот гол беше Виктор Линделоф во 59.минута.
Евертон славеше на гости против Кристал Палас со 2-3. Миколенко, Докуре и Геје беа стрелци на головите за гостите.
