Англискиот премиерлигаш Арсенал се вклучува во трката со Реал Мадрид за напаѓачот на Челси, Каи Хаверц. „Кралевите“ одолговлекуваат откако од „Стемфорд бриџ“ побараа 80 милиони евра отштета, а тие се подготвени да платат најмногу 60 милиони за реализација на трансферот на Германецот.
Сепак, Челси и нема премногу време за преговори со оглед дека ќе мора да го задоволи финансискиот фер-плеј на УЕФА поради многубројните трансфери минатото лето.
Арсенал сега се вклучува во трката, а менаџерот Микел Артета се надева дека на крајот може да излезе победник и да го доведе Каи Хаверц на „Емирати“.
