Арсенал е во потрага по нов напаѓач откако не успеа да реализира трансфер во јануарскиот преоден рок. Лондончани немаат намера да се откажат и повторно ќе се обидат да донесат засилување летово.
Во јануари, Арсенал се обиде да го ангажира Оли Ваткинс од Астон Вила, но нивната понуда беше одбиена. Според англиските медиуми, „топчиите“ сега подготвуваат сериозна понуда за капитенот на Интер, Лаутаро Мартинез.
Иако Аргентинецот не е во најдобрата форма оваа сезона, неговиот потенцијален трансфер во Арсенал би можел да биде компликуван, со оглед дека Интер ќе бара висока отштета.
