Арсенал планира офанзива за играчот од средниот ред на Баерн Минхен, Џошуа Кимих. „Топчиите“ ќе му понудат тригодишен договор на германскиот интернационалец.
Кимих по завршувањето на сезоната најверојатно ќе ги напушти Баварците. Тој влегува во последната година од договорот, но во оваа фаза не му е понуден нов договор на „Алијанц Арена“, со претпоставка дека тоа воопшто нема да се случи.
Идејата на раководството на германскиот гигант е да се раздели со Кимих и да донесе типичен дефанзивен играч за врска.
Вредноста на Џошуа Кимих е околу 60 милиони евра.
Џошуа Кимих е дел од Баерн од 2015 година кога потпиша од редовите на Штутгарт. За Баварците има 379 натпревари на кои постигна 41 гол и забележа 102 асистенции.
