Арсенал има намера сериозно да го засили својот тим по пласманот во Лигата на шампионите. Приоритетна трансферна цел на лондончани е капитенот на Вест Хем, Деклан Рајс, а „топчиите“ имаат намера да му додадат уште двајца играчи од средниот ред.
Еден од нив е Моисес Каиседо од Брајтон, кој лондончани не успеаја да го потпишат во зимскиот преоден рок за 80 милиони евра. Вториот е Мејсон Маунт од градскиот ривал Челзи, чиј договор со „сините“ истекува во летото 2024 година, а претставниците на „топчиите“ веќе одржаа прелиминарни разговори со Маунт.
Сепак, трансферните активности на Арсенал нема да бидат само околу дојдовните зделки. Тимот од Северен Лондон може да биде делумно погоден од заминувањето на некои играчи.
Во моментов се смета дека уште еден потенцијален играч во Лигата на шампионите следната сезона, Њукасл, се обидува да го ангажира Киеран Тиерни, додека голем број европски клубови веќе го насочија Фоларин Балогун, кој е во сопственост на Арсенал, но моментно е на позајмица во францускиот Ремс.
