Барселона ќе направи се што може оваа зима за да се ослободи од Фелипе Кутињо. Бразилецот во каталонскиот клуб пристигна од Ливерпул на почетокот на 2018 година како големо засилување, а клубот за него издвои околу 160 милиони евра, но тој никогаш не успеа да ги оправда очекувањата.
Кутињо игра далеку од формата што ја имаше во Ливерпул кога беше еден од најдобрите играчи на „црвените“, а Барселона очигледно нема повеќе трпение за него. Тој е и еден од најплатените играчи во тимот и неговото заминување значително би го олеснило буџетот за плати, па Барселона лесно би можела да ги регистрира засилувањата кои ги носи во зимскиот преоден рок. Можно е меѓу нив да биде и македонскиот репрезентативен голман Столе Димитриевски.
Арсенал е клубот кој покажува голем интерес за Кутињо и каталонските медиуми најавуваат дека во наредните денови би можела да пристигне понуда од лондонскиот клуб. „Топчиите“ се подготвени да платат околу 20 милиони евра за Бразилецот, што секако би ги прифатиле во Барселона само Кутињо да го напушти клубот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski