Арсенал го декласира Манчестер Сити на „Емирати“ со 5-1 и покажа дека сѐ уште е жив во трката за шампионската титула во Премиер – лигата. Микел Артета го надмудри својот некогашен учител Пеп Гвардиола на овој дуел.
Мартин Одегард во втората минута донесе водство за Арсенал, но израмни Ерлинг Халанд во 55. минута од дуелот.
Сепак, од тој момент па до крајот доминираа „топчиите“. Томас Парти само една минута подоцна повторно го врати водството за Арсенал, а Луис-Скели во 62.минута зголеми на 3-1.
Каи Хаверц во 74.минута погоди уште еднаш, а серијата ја затвори Нуанери.
