Арсенал го совлада Манчестер Јунајтед со 3-1 на „Емирати“ и го чува четвртото место на табелата во Премиер – лигата кое води во Лигата на шампионите.
Нуно Тавареш во третата минута донесе водство за Арсенал, а Бакајо Сака во 32.минута од пенал зголеми на 2-0. Роналдо само две минути подоцна ги врати надежите на Јунајтед, но во вториот дел Бруно Фернандеш не успеа да реализира пенал за израмнување. Португалецот го погоди дирекот во 57.минута.
Гранит Џака во 70.минута ги разреши дилемите со третиот гол за „топчиите“.
