Арсенал е подготвен да плати голема сума за да донесе напаѓач од врвна класа во јануари. Микел Артета инсистира на засилување на напаѓачката моќ на тимот за да остане конкурентен во битката за титулата до крајот на сезоната и се чини дека клубот ќе ја исполни неговата желба, пишуваат медиумите на Островот.
Целите на „топчиите“ сега се јасни. Прв на листата е Виктор Осимен од Наполи. Сепак, клубот разгледува и други опции како што се Ајван Тони од Брентфорд, Лаутаро Мартинез од Интер и Виктор Бонифејс од Баер Леверкузен.
Сепак, прво на „Емирати“ ќе мора да се разделат со некој од нивниот сегашен тим за да соберат доволно голем буџет за трансфери. Најверојатно тоа ќе биде Томас Парти, но можно е на пазарот да бидат пуштени и други играчи.
Во моментов Арсенал го зазема четвртото место на табелата со 40 бода, два помалку од лидерот Ливерпул.
