Напаѓачот на Интер, Марко Арнаутовиќ, се опорави и би можел да му биде достапен на тренерот Симоне Инзаги на мечот против Салцбург утревечер во Лигата на шампионите. 34-годишниот австриски репрезентативец, кој му се приклучи на Интер како позајмен од Болоња летото, заработи повреда во победата над Емполи на 24 септември.
Арнаутовиќ паузираше околу еден месец и пропушти осум натпревари во Серија А и Лигата на шампионите.
За своите први 233 минути игра од почетокот на сезоната, фудбалерот забележа една асистенција.
Тој беше дел од последниот тренинг на тимот на Интер и се очекува да биде дел од составот на тренерот Симоне Инзаги за гостувањето во Австрија.
Интер го дели првото место со Реал Сосиедад во групата Д од Лигата на шампионите со 7 бода, по две победи и едно реми на трите натпревари.
