Македонскиот репрезентативец Аријан Адеми е на мета на шпански Бетис, пренесуваат дел од шпанските медиуми.
28-годишниот капитен на Динамо Загреб е еден од тројца фудбалери кои се трансферна цел на членот на Ла Лига. Според пишувањето на Шпанците, Бетис издвоил десет милиони евра од буџетот колку што би можел да плати за неопходен фудбалер на оваа позиција.
Адеми во 2012 година, тогаш како 21-годишен член на хрватскиот шампион, исто така беше цел на Бетис но одлучи да остане во хрватскиот шампионат. Македонскиот репрезентативец изминативе години добиваше бројни понуди за промена на средината, но секогаш остануваше во Динамо Загреб како знак на благодарност што клубот застана целосно зад него по неоправданата суспензија од УЕФА поради допинг.
