Македонскиот интернационалец Филип Антовски доживеа елиминација со Динамо Загреб во четвртфиналето на младинската Лига на шампиони за фудбалери до 19 години. „Модрите“ загубија од Челси по изведување пенали (4-2), иако во регуларниот тек од мечот имаа водство од два гола. Но, Челси во завршницата успеа да израмни (2-2) и да се избори за удари од белата точка.
На крајот англискиот тим славеше и се пласира во полуфиналето.
Антовски овој меч ќе го памети по уште една непријатност. Тој заработи повреда и мораше да ја напушти играта во 37.минута, кога на негово место влезе Ведад Радоња.
