Антонио Конте и официјално е нов тренер на Наполи. Тој потпиша договор до 2027 година со клубот од Неапол, кој имаше очајна сезона во Серија А откако претходно ја освои шампионската титула.
„Неапол е место од глобално значење за италијанскиот и за европскиот фудбал. Среќен сум и возбуден од идејата да седнам на клупата на Наполи“, изјави Антонио Конте.
„Сигурно можам да ветам една работа, ќе дадам сѐ од себе за раст на тимот и клубот. Мојата посветеност, заедно со мојот стручен штаб, ќе биде целосна“, истакна искусниот стратег.
Антонио Конте последен пат го водеше Тотенхем меѓу 2021 и 2023 година, а исто така беше и на кормилото на Јувентус, Челси и на Интер.
