Бразилецот Антони сака да го напушти Ајакс и да направи трансфер во Манчестер Јунајтед. Но, Ајакс го кочи неговото заминување откако одби и понуда од 90 милиони евра за одличниот офанзивец. Прашање е дали Манчестер Јунајтед ќе достави уште поголема понуда до крајот на летниот преоден рок.
„Уште во февруари најавив дека сакам да заминам ова лето и да направам чекор напред во кариерата. Не го разбирам и раководството на Ајакс. Не барам да заминам како слободен агент, туку како најскап трансфер во историјата. До клубот дојде понуда вредна 90 милиони евра, а тие велат дека немаат доволно време за да најдат замена. Имаа време од февруари, кога им најавив заминување“, изјави Антони во интервју за холндските медиуми.
Се претпоставува дека Манчестер Јунајтед сепак ќе достави уште една, последна понуда до Ајакс за Бразилецот.
