Напаѓачот на Барселона, Ансу Фати, со недели се поврзува со заминување од каталонскиот гигант, но тој самиот сака да остане во клубот, пренесува шпанскиот весник „Спорт“.
Фати е свесен дека раководството на Барселона е подготвено да го продаде на лето, а неговиот агент Жорге Мендеш се обидува да го убеди да се пресели во англискиот Вулверхемптон, но засега без успех.
Мендеш тврди дека во рок од две години фудбалерот би имал можност да прејде во некој од големите клубови во Премиер – лигата.
Засега нема никој подготвен да плати 60 милиони евра колку што бараат Каталонците за трансферот на Ансу Фати, а 20-годишниот фудбалер не се откажува од желбата да продолжи да го носи дресот на Барселона.
