Анид Абази потпиша професионален договор со Шкупи

Лидерот на табелата, тимот на Шкупи, потпиша професионален договор со 19-годишниот Анид Абази. Тој и во наредните две години ќе остане на Чаир, каде ги направи и првите фудбалски чекори уште од петгодишна возраст.

„Кога ќе се приклучите на клубот на петгодишна возраст, продолжувате и сонувате еден ден да играте за првиот тим. Мојот сон денес стана реалност. Работев напорно за да го достигнам ова ниво, секогаш му се заблагодарувам на клубот за поддршката. Сакам да постигнам многу во мојата кариера со овој клуб, а со поддршка од семејството, тренерот, играчите и персоналот на овој клуб се е полесно и се е возможно“, изјави Анид Абази за официјалниот сајт на Шкупи.

Тој дебитираше во првиот тим на натпреварот против Санта Клара во европските натпреварувања и одигра уште два натпревари во Првата лига и во Купот на Македонија.