Англија повторно ќе ја пречека Македонија на „Олд Трафорд“

Фудбалската репрезентација на Македонија ќе гостува на „Олд Трафорд“ на квалификациски меч против Англија во квалификациите за ЕВРО 2024. ФА на Англија го објави распоредот на натпревари, а селекцијата на гордиот Албион ќе биде домаќин на 19 јуни во Манчестер, со почеток во 20.45 часот.

Македонија има пријатни спомени од „Олд Трафорд“. Во 2006 година, во квалификации за ЕП одигра реми без голови.

Претходно, во 2002 година, Англија и Македонија одиграа 2-2 во Саутемтпон на стадионот „Сент Мери“, а тој меч засекогаш ќе остане запаметен по голот од корнер што го постигна Артим Шаќири.