Фудбалерот на Тотенхем, Џејмс Медисон, нема да биде дел од репрезентацијата на Англија на натпреварите против Малта и против Македонија. Неговиот клуб објави дека поради повреда Медисон не е во можност да одговори на повикот на селекторот Герет Саутгејт.
„Можеме да потврдиме дека Џејмс Медисон е повлечен од репрезентацијата на Англија поради повреда на скочниот зглоб. Фудбалерот од средниот ред нема да настапи во квалификациите за УЕФА ЕВРО 2024 за „трите лава“ против Малта и Македонија и ќе остане во клубот на рехабилитација со медицинскиот персонал“, објави Тотенхем.
Англија на 20 ноември ќе гостува во Скопје на квалификациски дуел против Македонија.
