Женската фудбалска репрезентација на Англија го освои трофејот на Европското првенство откако во финалето на „Вембли“ славеше против Германија со 2-1 по продолженија. Драматичен расплет имаше финалето, а потоа почна големото славје на Англичанките.
Англија поведе со голот на Ела Тун во 62.минута, но Германија израмни со погодокот на Лина Магул во 79.минута.
Мечот отиде во продолженија, а за нијанса поуспешни беа Англичанките кои успеаја да стигнат до победнички гол во 110.минута. Стрелец на победничкиот гол беше Кло Кели.
