Фудбалската репрезентација на Македонија утре (18 часот) ќе го има вториот пријателски натпревар пред ЕП, а противник е селекцијата на Казахстан. Селекторот Игор Ангеловски најави дека ќе им даде шанса и на дел од останатите фудбалери кои не играа против Словенија.
„Мечот со Казахстан ќе биде уште една добра проверка. Оваа репрезентација не е од типот на Лихтенштајн или Гибралтар, одигра 1-1 против Украина во квалификациите. Ќе добијат шанса и други фудбалери, но нема да го менуваме целиот тим. Спировски е добар, тренираше и ќе настапи утре, а Хасани има мала пукнатина на носот и ќе добир поштеда“, изјави Ангеловски.
