Наташа Андонова уште еднаш ја покажа својата класа. Со спектакуларен гол од работ на шеснаесетникот, нашата репрезентативка израмни на 3-3 за Мадрид ЦФФ во возбудливото градско дерби против големиот Реал Мадрид.
Со прецизен и маестрален удар што не и остави шанса на голманката на „кралиците“, Андонова внесе нова доза на неизвесност во натпреварот. Но, токму кога се чинеше дека нејзиниот тим добива залет, Реал уфрли во повисока брзина.
Во завршницата од мечот, „белата машинерија“ проработи и со четири дополнителни погодоци го запечати исходот – убедлива победа од 7-3 во корист на Реал.
