Клупската сезона заврши, а најдоброто останува за крај. Реал Мадрид и Борусија Дортмунд утре се среќаваат во финалето на најсилното клупско натпреварување, на а „кралскиот клуб“ како освојувач на 14 трофеи во Лигата на шампионите му се даваат многу поголеми шанси, иако никој не може да ги отпише и Германците.
Тренерот на Реал, Карло Анчелоти, веќе ги одбрал своите стартни 11, како што пренесуваат шпанските медиуми.
Доколку нема дополнителни проблеми, Анчелоти ќе стартува со Куртуо на голот. Лунин беше херој на претходните натпревари од Лигата на шампионите, но Украинецот е болен и има вирус, поради што не отпатува со тимот во Лондон. Треба да се приклучи утре, на денот на натпреварот. Но, италијанскиот стручњак сепак истакна дека „нема дебата кој е прв избор“ кога Куртоа е здрав, а Белгиецот неодамна целосно се опорави од повредата.
Анчелоти на клупата ќе го остави Хоселу, кој беше херој против Баерн Минхен со два гола во реваншот, но смета дека „играта често ја решаваат оние кои доаѓаат од клупата“, па тој и Лука Модриќ треба да бидат џокери во неговиот ракав.
Во бековската линија ќе играат Карвахал, Рудигер, Начо и Менди. Милитао се врати, но Анчелоти не сака да ја менува одбранбената линија, која ја одржуваше мрежата недопрена во повеќе од 20 наврати оваа сезона и која е многу добро воиграна.
Во средниот ред ќе игра Тони Крос, за кого ова ќе биде проштален меч за Реал и воопшто во клупската кариера, а потоа следуваат Камавинга, Валверде и Белингам, додека Чуамени отсуствува поради повреда.
Во нападот ќе бидат Родриго и Винисиус Жуниор.
