Тренерот на Наполи, Карло Анчелоти, потврди дека клубот е во завршна фаза од реализацијата на трансферот на македонскиот суперталент Елиф Елмас од Фенербахче. Тој истакна дека „наполитанците“ го чекаат Елмас да им се придружи наредните денови.
„Многу сме блиску до реализација на трансферот на Елиф Елмас. Тој е голем талент, интересен профил на фудбалер. Мислам дека ќе завршиме многу брзо и го чекаме да ни се придружи пред да се вратиме од Димаро“, изјави Карло Анчелоти.
Наполи е на подготовки во Димаро – Фолгарида во Трентино до 26 јули.
