Менаџерот на Манчестер Јунајтед, Рубен Аморим, ги сподели своите размислувања по поразот од 0-2 против Вулверхемптон во 18. коло од Премиер – лигата.
„Очигледно, секој пораз е чекор назад. Имавме потешкотии по исклучувањето на нашиот играч. Повторно примивме гол на ист начин како против Тотенхем. И тогаш се обидовме да се вратиме во натпреварот. Мислам дека бевме блиску до позитивен резултат, но кога Вулверхемптон го постигна вториот гол, сè стана многу потешко. Дадовме сè од себе, но на крајот резултатот остана 0-2“, изјави Аморим.
Тој ја изрази својата разочараност што неговата одбрана повторно дозволува слични грешки.
„Сценариото беше исто како и во натпреварот со Тотенхем. Примивме идентичен гол. Овој пат Онана не успеа да реагира на време. Се обиде да ја стигне топката, но некои од нашите играчи воопшто не реагираа како што треба. Сепак, не сакам да ја насочувам вината само таму. Позитивно е што и со десет играчи успеавме да создадеме шанси за гол.“
Аморим истакна дека ваквите порази само го мотивираат повеќе.
„Без разлика дали победуваме или губиме, мораме да останеме професионалци. Кога губам, тоа ми дава дополнителна сила за да бидам уште подобар“, додаде тој.
Овој пораз го смести Манчестер Јунајтед на 14-то место на табелата, иста позиција на која тимот се наоѓаше кога претходниот менаџер, Ерик Тен Хаг, беше отпуштен.
