Македонскиот фудбалски репрезентативец Езгјан Алиоски ќе ги пропушти преостанатите натпревари за Лидс Јунајтед до крајот на сезоната, но многу веројатно и двата квалификациски натпревари на националниот тим против Полска и со Австрија, што ќе се играат во јуни. Тој го оперираше менискусот на левото колено, откако на синоќешниот меч против Брентфорд заработи сериозна повреда, поради која беше повлечен од игра уште во 11. минута.
„Разочарани сме од веста дека Џани нема да може да игра до крајот на сезоната. Тој го покажа својот квалитет во текот на целата година играјќи на различни позиции. Алијоски е омилена личност во нашиот тим, секогаш ги става соиграчите на прво место и претставува пример за сите во клубот“, изјави директорот на Лидс, Виктор Орта.
