Македонскиот првак Шкендија утре (18 часот) ја почнува европската одисеја во квалификациите за Лигата на шампионите гостувајќи му на естонскиот шампион Номе Калју. Капитенот Арменд Алими ја истакнува решеноста на избраниците на тренерот Ќатип Османи да остварат позитивен резултат.
„Натпреварите на европска сцена се секогаш тешки, нема лесни ривали, но, сепак, квалитетот речиси секогаш пресудува. Мислам дека Шкендија е поквалитетен тим, максимално сме мотивирани и фокусирани и веруваме во успех“, истакна Арменд Алими на прес – конференцијата.
Утрешниот меч ќе го суди шкотскиот арбитар Доналд Робертсон.
