Шкупи не успеа да ги регистрира засилувањата од овој зимски преоден рок, но и без тоа има квалитетен тим кој секогаш е фаворит кога игра на Чаир. Тренерот Алпарслан Ердем, во пресрет на натпреварот против Работнички изрази оптимизам и самодоверба во изјавата за официјалната страница на клубот.
„Подготвителниот период беше долг – цели 70 дена, но екипата успеа да се адаптира и да одигра квалитетни пријателски натпревари против тимови од Бугарија, Украина и Полска. Веруваме дека Шкупи е подготвен за стартот на пролетниот дел од сезоната и дека има шанси за победа. Работнички е еден од најквалитетните тимови во лигата, но ги направивме сите потребни анализи и подготвени сме за предизвикот. Ги повикувам и навивачите да дојдат на стадион, тие се нашиот 12-ти играч, со нив сме многу посилни,“ изјави Алапрслан Ердем.
Работнички имаше одлична есен, а голманот Игор Алексовски најавува дека планот е да се продолжи во ист стил и претстојната пролет .
„Подготвени сме за стартот на вториот дел од сезоната. Уште на почетокот нѐ очекува тешко гостување на Чаир, но ние се надеваме дека ќе успееме да оствариме позитивен резултат. Имаме респект за Шкупи, но нашата цел е да продолжиме по патот кој го трасиравме во првиот дел од шампионатот. Одиме натпревар по натпревар, без еуфорија, но со максимална посветеност и желба за победа“, изјави Игор Алексовски.
ДВОЈКИ ПРВА ЛИГА, 19.КОЛО (Денеска, 14 часот)
🔹 Силекс – Тиквеш
🔹 Вардар – Шкендија
🔹 Гостивар – Струга ТЛ
🔹 Воска – Беса
🔹 Шкупи – Работнички
🔹 Пелистер – Брера
