Македонскиот второлигаш Беласица означи старт на зимските подготовки. Под раководство на новиот тренер Александар Стојанов фудбалерите го одработија првиот тренинг.
Тој на располагање имаше 28 фудбалери, од кои неколку играчи од младинската школа, но и неколку нови имиња кои ќе бидат претставени во наредниот период.
Беласица по првиот дел од сезоната се наоѓа на деветтата позиција со 20 освоени бода и амбициите на клубот се да се искачи што е можно погоре на табелата.
