Фудбалската федерација на Албанија соопшти дека поднела барање да биде домаќин на Европското првенство за играчи до 21 година во 2027 година.
Она што е особено интересно е што тоа го направи заедно со Фудбалската федерација на Србија.
„По успешната организација на финалето на конференциската лига во Тирана во 2022 година, како и домаќинот на Европското првенство до 17 години во 2025 година, ФФ на Албанија сака да организира уште еден голем настан.
Бидејќи Албанија нема услови самостојно да го организира првенството, тоа би го направила заедно со Србија. Тоа е многу амбициозен проект кој би ја ставил Албанија во центарот на фудбалските случувања во Европа“, се вели во соопштението на Албанската фудбалска федерација.
За ова сѐ уште нема официјални информации од Фудбалската федерација на Србија, но оваа можност неодамна ја најави претседателот на Србија, Александар Вучиќ, при почетокот на изградбата на Националниот стадион.
„Ќе продолжиме да ја развиваме инфраструктурата, а планираме во иднина ние и Унгарија да аплицираме за Олимписките игри“, изјави по тој повод претседателот на Србија.
