Aлбанскиот репрезентативец Мирлинд Даку, притиснат од отворената истрага на УЕФА за скандалозните навреди кон Македонците и Србите што ги скандираше по ремито (2-2) против Хрватска, се извини преку социјалните мрежи за својата постапка.
Меѓутоа, не спомена конкретно на кого му се извинува.
„Простете ако навредив некого после натпреварот со Хрватска. Ефектот на натпреварот си го прави своето. Простувањето е човечко, а јас чувствувам морална и професионална обврска да се извинам. Продолжувам да работам заедно со целиот тим за да ги исполниме нашите соништа“, објави Даку на социјалните мрежи.
