Џирона беше на прагот на 24. победа во Ла Лига, но Алавес успеа да се спаси од пораз во 99.минута. На крајот возбудливиот дуел заврши 2-2. Сега Џирона има два бода предност пред Барселона, која со триумф против Реал Сосиедад може да се врати на втората позиција.
Ерик Гарсија во четвртата минута донесе водство за Џирона, но брзо израмни Џон Гуриди во 12.минута.
Џирона повторно дојде до предност со голот кој го постигна Јанхел Херера во 44.минута од мечот.
Сепак, Алавес во текот на вториот дел бараше израмнување и успеа во тоа. Џон Гуриди постигна израмнувачки погодок во 99.минута од мечот.
