Арсенал го има најслабиот старт во последните 46 години, Микел Артета стравува и за работното место на менаџерската позиција, а легендарниот Алан Ширер не е сигурен и дали „топчиите“ ќе успеат да обезбедат опстанок во Премиер – лигата доколку продолжат со вакви резултати. Арсенал има дури осум порази во 14 одиграни натпревари од англиската фудбалска елита.
„Навистина не сум сигурен ниту дали ќе опстанат. Ужасни се. Со ваков тим многу тешко. Нмема тука креативност, играчите не се трудат, не ни помагаат на теренот. Микел Артета сериозно треба да се запраша дали воопшто може да се потпре на вакви играќи. Пепе против Евертон едвај трчаше, на моменти и одеше на теренот. Има тука фудбалери кои воопшто не играат за тренерот. Со ваква игра сигурно нема далеку да стигнат“, анализира Алан Ширер.
Арсенал се наоѓа на 15. позиција на табелата со само четири бода повеќе од зоната на испаѓање.
